Leita í fréttum mbl.is

Goodbye

Jæja þetta er síðasta færslan mín - ég er hætt að blogga. Efa stórlega að ég byrji aftur. EF ég byrja einhvern tíman aftur að blogga þá verður það bara inni á barnalandssíðu krakkanna. Verð þá dugleg að skipta um lykilorð reglulega, en fjölskyldumeðlimir Heimis eru víst einkar hrifnir af því Tounge best af öllu er þó að fólkið virðist ekki geta sent mail til að biðja um nýtt lykilorðið LoL en isss það er ekki minn höfuðverkur!!

Jamm segjum þetta því gott í bili og ég þakka ykkur, mínum dyggu lesendum Wink fyrir mín 6 ár í bloggheiminum. Hafið það gott.

Auf Wiedersehen.


Þorrablót

Mikið svakalega var nú gaman á sveitablótinu í gær. Við skemmtum okkur konunglega. Ég sagði það líka að hér eftir yrðum við fastagestir á þessum blótum og er ég búin að tryggja mér pláss Wink Ég er búin að ákveða að skella mér á allaballablótið um næstu helgi með mömmu og pabba. Ég bara verð! Heimir verður þá bara heima. Eitthvað var ég að reyna að reikna aftur í tímann og sennilega hef ég ekki farið í ein 10 ár eða svo á allaballablótið. Allavega síðast þegar ég var þá var Helga Steins með í annálnum og það er laaaangt síðan hún hætti. Svo ég er bara spennt fyrir næsta laugardagskvöldi Grin Í dag er mér samt búið að líða eins og ég hafi farið á ærlegt fyllerí! Það fór samt ekki áfengisdropi inn fyrir mínar varir þar sem drengurinn er enn á brjósti. En það komu nú móment í gærkvöldi þar sem ég hefði alveg verið til í að vera að hella í mig Tounge En það verður bara á næsta ári... þ.e.a.s. ef ég verð ekki ólétt þá LoL Verð nú samt að segja að ég hef nú alltaf lúmskt gaman af því að vera edrú og fylgjast með liðinu í kring.

Þar sem ég er frekar framlág er ég að hugsa um að koma mér bara snemma í bælið - svona einu sinni! Ég kláraði Auðnina um daginn og varð ekki fyrir vonbrigðum. Núna ætla ég að klára Áður en ég dey, en ég er hálfnuð með hana og skella mér svo á Arnald.

Það er hvorki hættulegt né skammarlegt að detta - en að liggja kyrr er hvort tveggja.

Konráð Adenauer


-

Ákvað að henda inn smá færslu svona áður en ég dett úr öllu bloggstuði og nenni þá ekki að skrifa neitt næstu vikurnar! Wink 

Við skötuhjú ætlum að skella okkur á þorrablót um helgina. Hlakka mikið til að gúffa í mig öllum þessum guðdómlega mat. Fyrsta skipti sem ég fer á sveitablót. Rosalega langt síðan ég fór á blót, man hreinlega ekki hvað er langt síðan ég fór síðast á allaballablót. Þau eru alltaf svo skemmtileg, annállinn sniiiiiild. Held ég fari ekki á það núna, fer bara næsta ár.

Veit svo sem ekki hverju ég á að ljúga í ykkur. Ætla upp í rúm að lesa Yrsu - ég veit ég er enn að lesa hana. Á nú samt ekki nema 50 bls eftir eða svo, svo þetta hlýtur að takast hjá mér Smile Næstur í röðinni er svo hann Arnaldur karlinn.

- Hvar sem mest var þörf á þér, þar var best að vera.

Stephan G. Stephansson.


Nammi namm =)

Ó já drengurinn var sko hrifinn af grautnum Wink við mæðgur skiptumst á að skófla upp í hann og Ingibjörg auðvitað dressuð í kjól! Það var alveg yndislegt að fylgjast með þessu, hann iðaði allur, greip í skeiðina og vissi svo varla hvað hann átti að gera við þetta gums sem var komið upp í hann Grin Bara gaman. Þetta var auðvitað myndað í bak og fyrir, bæði á myndavél og upptökuvél.

Annars er þessi elska 6 mánaða í dag og er orðinn 9,5 kg og 72 cm. Fékk fína skoðun hjá doksanum og svo rétt rumdi í honum við sprautuna. Er með það á hreinu að þetta verður hörkutól - rétt eins og móðirin *hóst* Tounge 

Og ekki nóg með að í dag hafi verið fyrsti grauturinn, heldur fór ég líka og sótti um fyrir hann á leikskólanum! Ó já - today is the day Cool

Fyrsta skeiðin - allir lifa sig vel inn í þetta Wink

jan 039

Og þá var komið að Ingibjörgu að gefa bróður sínum. Og jájá ég enn með opinn munninn Grin

jan 045

 "Svona drífið nú í þessu!!"

jan 052

Nammi nammi namm - litli grautastrákur Happy

jan 053

Vona að ykkur hafa þótt þetta jafn skemmtilegar myndir og mér Wink Eigi þið góða helgi. 

- Eitt bros getur dimmu í dagsljós breytt.

Einar Benediktsson


Jamm

Ég hef aldrei verið neinn sérlegur aðdáandi KK, en allt í einu er ég alveg að fíla karlinn Wink Finnst lagið hans um æðruleysið gott og nú dauðlangar mig að lesa bókina hans. Ég meina maðurinn bjó á götunni í einhver ár!! Hann hlýtur að hafa frá mörgu áhugaverðu að segja.

Skoðun og sprauta hjá prinsinum á morgun. Mikil spenna í gangi eins og alltaf, að sjá kílóafjöldann. Held hann sé nú ekki kominn í tveggja stafa töluna ennþá, en er örugglega ekkert langt frá henni Tounge Nú og svo er það grauturinn annað kvöld og Ingibjörg stendur enn föst á því að við eigum að vera í kjólum!

Læt fylgja hér eina mynd af Ingibjörgu úr myndatökunni hjá Siggu Þrúðu. Mér finnst þetta falleg mynd - hún er eitthvað svo dreymin þarna.

IMG_9691.jpg+

- Þú getur ekki hindrað fugla sorgarinnar í að fljúga yfir höfði þínu. En þú getur komið í veg fyrir að þeir geri sér hreiður í hári þínu.

Kínverskur málsháttur.


!

Alveg er það nú merkilegt hvað kennarar leyfa sér stundum að taka langan tíma í að fara yfir prófin. Við eigum að skila öllum okkar verkefnum á RÉTTUM tíma annars getum við verið dregin niður fyrir að skila of seint. Ég tók prófið 12. des og fékk einkunn núna 12. jan!! Mánuði seinna! Jú ég veit að jólin komu þarna inní. Þeir áttu í síðasta lagi að skila öllum einkunnum frá sér 9. jan, en nei tók þá nokkra daga lengur. Ferlega svekkjandi! En ég fékk nú fína einkunn svo ég ætla ekkert að kvarta meira yfir þessu Wink

Heimir er kominn heim - á Austurlandið - ekki heim-heim, en það fer nú að styttast í hann hugsa ég.

Jæja ég ætla að fara að prjóna og horfa á tv.

Lát mig deyja þegar stundin er komin. - Ég óska þess eins að þeir sem þekktu mig best segi um mig að ég hafi ætíð slitið upp þyrni og gróðursett blóm þar sem ég hélt að blóm gætu vaxið.

Abraham Lincoln.


Home alone - næstum því :)

Hér sit ég ein við kertaljós og kósýheit, til skiptis í tölvunni og að prjóna. Heimir fór suður í morgun á námskeið og kemur heim aftur á morgun. Ingibjörg sofnaði í sínu herbergi en ég ætla nú að færa hana yfir til mín á eftir þegar ég fer að sofa... notalegra að hafa einhvern í hinum helmingnum af rúminu. Spurning hvort ég þori að lesa Yrsu með Ingibjörgu hjá mér eða hvort ég guggni Tounge

Veit svo sem ekki hverju ég get logið að ykkur... er svona að reyna að koma mér í skólagírinn, finnst það svolítið erfitt eftir gott frí. Finnst líka erfitt að ætla að fara á fætur um 9 eða svo. Get það bara eiginlega ekki, svo við Ármann Snær lúllum okkur bara þar til við vöknum Wink

- Gerðu eitthvað gott - nágranni þinn fréttir það aldrei. Gerðu eitthvað illt - það mun verða alræmt.

Kínverskur málsháttur.


Grautamál

Nú fær litli herramaðurinn hér á bæ að borða næsta föstudag. Mikil spenna í gangi get ég sagt ykkur, og stakk Ingibjörg upp á að við yrðum í kjólum í tilefni þess Grin Ég er búin að vera að skoða grautategundir og held að ég kaupi Holle. Hann er lífrænt ræktaður og sykurlaus. Líst vel á hann. Tennur númer 5 og 6 hjá drengnum ryðjast niður núna - bara örlítil himna fyrir og þá eru þær komnar í gegn. Sá er duglegur í þessum málum. Svo fyndið hvað þau breytast þegar efri framtennurnar eru komnar... æji þetta er allt svo yndislegt og skemmtilegt Heart

Set hér inn eina mynd af okkur Leó. Þetta er semsagt að kvöldi "aðgerðardagsins", hann náði að skríða upp í fangið á mömmu sinni Wink þar sem honum finnst jú best að vera.

jan 017

Deyr fé,

deyja frændur,

deyr sjálfur hið sama;

en orðstír

deyr aldregi

hveim er sér góðan getur.

Hávamál.


...

Svona fyrir þá sem hafa brennandi áhuga á heilsu Leós (veit að það eru sko nokkrir Tounge) þá er hann eiginlega orðinn eins og hann á að sér að vera. Nema auðvitað grænblár og sköllóttur að aftan. En það var ósköp notalegt að heyra aftur malið hans í morgun, hann hafði nefnilega ekkert malað í gær og var ég farin að sakna þess. Fór allt í einu að hugsa hvað væri skrítið ef hann væri ekki hérna hjá okkur. Og hafi einhvern tímann læðst sú hugsun að mér að senda hann í sveitina (sökum ofnæmis hjá mér) að þá er ég snarlega hætt við! Svo ætli við eigum ekki bara Leó næstu fimmtán árin eða svo Wink ljúf tilhugsun.

Ingibjörg gistir hjá ömmu sinni og skemmtir sér vel. Svo sem ekkert skrítið, þar sem allt annað er sett á hold þegar hún er hjá þeim og öll athygli beinist að henni. Endalaust leikið og bara skemmtilegt Smile 

Er að fara að byrja á spennandi prjónaverkefni á sjálfa mig, aldrei þessu vant. Fékk garnið í dag en þá voru ekki til prjónarnir!! Mikið er svekkjandi að geta ekki byrjað. Horfi bara á garnið og það á móti... ohhh Crying

Langar rooosalega að lesa ævisögu Eric Claptons - á hana einhver?

Í hendi Guðs er hver ein tíð,

í hendi Guðs er allt vort stríð,

hið minnsta happ, hið mesta fár,

hið mikla djúp, hið litla tár.

Matthías Jochumsson


Geldingurinn...

...hefur það svona sæmilegt. Ekkert mikið meira en það. Hann meig auðvitað á sig og ældi svo á eldhúsgóflið í kvöld. Greyið litla. En svo hefur hann bara að mestu sofið. Staulast aðeins um og rásar eins og hann sé fullur. Mér dauðbrá þegar ég kom og sótti hann, þá lá hann í búrinu sínu enn sofandi eftir svæfinguna, með opin augun og alveg eins og hann væri dáinn. Og svo auðvitað alveg rakaður að aftan og grænblár í þokkabót eftir joðið! Svei mér þá, ég hljóðaði alveg upp yfir mig og sagði við dömuna að ég gæti ekki ímyndað mér að hann ætti nokkurn tímann eftir að verða eðlilegur aftur! En ég vona nú að hann verði hressari á morgun - trúi bara ekki öðru.

Komin helgi og Heimir er að vinna alla helgina - skemmtilegt Frown 

Er farin upp í rúm að lesa.

... hjörtum mannanna svipar saman í Súdan og Grímsnesinu.

Tómas Guðmundsson


Næsta síða »

Höfundur

Úrsúla Manda
Úrsúla Manda

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband