Af mat

Er að fara út að borða í kvöld með þeim systrum Júlíu Rós og Kristjönu. Veit að það á eftir að verða mikið stuð, eins og alltaf þegar við komum saman  Ákváðum að fara í Egilsbúð því pizzurnar þar eru svo góðar. Við fjölskyldan pöntuðum okkur pítur um daginn frá Egilsbúð og fengum sent heim. Í pítunni var ekkert nema kjúklingur og pínulítil sósa, varla hægt að kalla það sósu! Var svo hneyksluð að ég hélt ég myndi kafna! Ég meina, það á að vera grænmeti með! Alveg sama hvernig pítu þú pantar, ÞAÐ Á alltaf að vera grænmeti með. Mjög furðulegt fannst okkur.

Við Heimir fórum um daginn niður á Hótel Eddu (held að þetta sé Hótel Edda) að fá okkur að borða. Það var alveg æðislegt! Þvílíkt góður matur, salurinn svo flottur, fallegt útsýni (svona þegar Austfjarðarþokan liggur ekki yfir) og bara allt flott. Egilsbúð finnst mér aðeins vera farin að líta uppá landið, svolítið sjúskað eitthvað. En það fer vonandi batnandi. Læt ykkur vita hvernig maturinn smakkaðist

Annars finnst mér OFUR gaman að vera komin með nýtt blogg  veit að ég á eftir að vera OFUR dugleg hérna... svona fyrstu dagana allavega, hérna kemur nýjungagirnin fram

Athugasemdir

[SigrúnSveitó, 1.8.2007 kl. 17:38]

Gaman að 'heyra' einhvern annan nota orðatiltækið; "að líta aðeins upp á landið"!!!  Það hefur verið gert grín að mér út af þessu...virðist vera norðfirskt orðatiltæki!!

[Smill (IP-tala skráð) 1.8.2007 kl. 22:14]

Grænmetisbíllinn komst ekki....þorði ekki í gegnum þessi hrottalegu göng

[Úrsúla Manda , 2.8.2007 kl. 00:03]

Já Sigrún, ég hef sko alveg fengið að heyra að ég tali nú stundum svolítið öðruvísi. Daman hér fyrir ofan míg hefur ósjaldan hlegið og segir að ég tali svona eins og útiálandi fólk talar

Segðu Sigurlaug... svo eru sumir á móti þessum göngum?!? Skil það bara ekki. En ég geri passlega ráð fyrir að þegar þau verða komin að þá verðir þú hér á hverju sumri... já og grænmetisbíllinn líka!