Skemmtilegt kvöld

Ég átti alveg dásamlegt kvöld í faðmi þeirra systra. Átum á okkur gat eins og okkar er von og vísa, hlógum okkur vitlausar og kjöftuðum frá okkur allt vit  Það er líka einkar skemmtilegt að spjalla við þær systur, þær eru alveg yndislegar. Pizzurnar voru góðar og forrétturinn líka. Takk elskurnar fyrir skemmtilegt kvöld! Júlíu Rós hitti ég svo fyrir sunnan og ætlum við að gera eitthvað skemmtilegt saman.

Hér er ein mynd af okkur vinkonunum, tekin nákvæmlega fyrir ári síðan. Auðvitað hlægjandi  

Hitti hina dökkbrúnu Þóreyju, auðvitað í Egilsbúð. Var búin að hugsa að ég hlyti að hitta hana þegar ég færi út að borða, og það gekk eftir  Alltaf gaman að hitta hana.

Bíð ykkur góðrar nætur.

***

Gullkorn dagsins:

Þú getur gleymt þeim sem þú hefur hlegið með en aldrei þeim sem þú hefur grátið með.

Arabískur málsháttur

Athugasemdir

[Kristjana Atladóttir, 2.8.2007 kl. 20:40]

Takk fyrir frábæra skemmtun. Ég hló og át og það var dásamlegt.

[Júlía Rós (IP-tala skráð) 4.8.2007 kl. 08:33]

Ahh við klikkuðum á að taka mynd af okkur núna, takk fyrir síðast þetta var alveg fullkomið!

[Svanfríður (IP-tala skráð) 5.8.2007 kl. 20:17]

Velkomin á nýtt heimili.

Jú, það er alltaf gaman að hitta vinkonur sínar og fá að spjalla og hlæja, það er eitt af því besta sem til er.

Hafið það gott, Svanfríður.