Tölvur

Þegar við komum út ætlum við að kaupa okkur nýja fartölvu. Dell að sjálfsögðu. Hlakka mikið til, því okkar gamla er alveg að syngja sitt síðasta. T.d. er "þ" farið af og ekki hægt að nota þann takka, örvarnar til hliðar virka ekki, auk þess er hún alltaf að detta úr sambandi (það er eitthvað laust þarna í innstungudæminu), batteríið eyðilagðist og svona mætti lengi telja. Og ég er ekkert að grínast í ykkur! Ég var nú samt svo séð að áður en "þ" datt alveg út, þá copy-aði ég það og vistaði á word skjali. Svo nú þarf maður alltaf að byrja á að opna það skjal og copy-a "þ", og svo er það bara Ctrl og V! Þetta er orðið svolítið þreytandi, svo við ákváðum að fjárfesta í einni þegar út kæmi. Fartölvur eru líka mun ádýrari úti en hérna heima. Jiii hvað ég hlakka til

Annars fínasta helgi að baki. Heimir orðinn ágætlega hress, svo það fara allir til vinnu á morgun. Dagurinn í dag búinn að vera ekta innidagur, rigning á köflum og þungt yfir. Vona svo innilega að haustið verði ljúft úti í Köben!

Ætla uppí rúm að lesa, góða nótt

Gullkorn dagsins:

Örlög er dulnefnið sem Guð notar þegar hann kærir sig ekki um að skrifa nafn sitt undir.

Anatole France

Athugasemdir

[Júlía Rós (IP-tala skráð) 13.8.2007 kl. 08:03]

Skil að þú sért farin að bíða eftir nýrri tölvu, þín er alveg skelfileg!

[Elma (IP-tala skráð) 13.8.2007 kl. 09:09]

Er tad eitthvad sem Gud getur ekki skrifad undir? Allt gott ad frétta, fékk nýtt barnabarn í nótt. Rigning.

[Þoka (IP-tala skráð) 13.8.2007 kl. 12:30]

Heyrðu, ertu búin að athuga hvort vélin sé ennþá í ábyrgð. Hljómar eitthvað eins og móðurborðið sé farið. Ertu að tala um Dell vélina sem þú keyptir hérna hjá EJS um árið ?

[Úrsúla Manda , 14.8.2007 kl. 17:50]

Nei reyndar er þetta vélin hans Heimis sem hann keypti árið 2003 eða 2004... hún er ekki í ábyrgð ennþá er það? Nei það getur ekki verið... Ég keypti mína 2004 og við seldum hana því hans var betri að hans sögn (mér fannst mín betri!!)