Góður dagur

Þá er annar afmælisdagur prinsessunnar að kveldi kominn. Búinn að vera æðislegur dagur og miðað við viðbrögð dótturinnar við pökkunum get ég ekki beðið eftir jólunum! Óhætt að segja að hún sverji sig í móðurættina  Vildi alltaf "meija pakka" eftir hvern pakka sem hún opnaði... ferlega fyndin. Afmælisveislan tókst vel, börnin stillt og prúð og allt gekk að óskum. Ingibjörg fékk allt fullt af gjöfum og var hún afar ánægð. Takk fyrir allar kveðjurnar, hvernig svo sem þær bárust, þetta er búið að vera yndislegur dagur!

Ég er búin að pakka mér niður fyrir borgarferð. Ætlum að leggja af stað um 9 leytið í fyrramálið. Náði að telja afa af þeirri hugmynd að leggja af stað "í bítið", eða um 6!! Ég hélt nú ekki, í fyrsta lagi færi ég um 9! Og þar við sat  Er enn ekki alveg að átta mig á því að ég sé að fara suður í skóla! Ætli ég fatti það nokkuð fyrr en líða fer á vikuna. Finnst þetta eitthvað svo langt í burtu... sem það er einmitt ekki.

Veit ekkert hvenær ég kemst í tölvu til að blogga... en ég læt vita af mér. Hafið það gott á meðan.

Ein fjölskyldumynd í lokin handa ykkur!

Gullkorn dagsins:

Auðvelt er að komast hjá gagnrýni með því að segja ekkert, gera ekkert og vera ekkert.

Óþekktur uppruni

Athugasemdir

[Brynja (IP-tala skráð) 19.8.2007 kl. 07:11]

Til hamingju með dömuna!! Hún er bara yndisleg, gangi þér vel í skólanum, get ímyndað mér að það sé skrítið að fara aftur á skólabekk. 

[Júlía Rós Atladóttir (IP-tala skráð) 19.8.2007 kl. 12:06]

Hlakka til að sjá þig :)

[SigrúnSveitó, 19.8.2007 kl. 14:22]

Til hamingju með prinsessuna

[Svanfríður (IP-tala skráð) 20.8.2007 kl. 19:12]

Til hamingju með skvísuna og gangi þér vel í skólanum.

Falleg myndin af ykkur þremur:)

[Hrönn og co (IP-tala skráð) 20.8.2007 kl. 22:14]

Takk fyrir frábærar veitingar í afmælinu og þú segist ekki hafa misst þig ;-) Gangi þér vel í námslotunni þinni, vonandi verður þetta stórskemmtilegt.