11. september

Má eiginlega segja að þessi dagsetning hafi verið stór hjá mér/okkur:

11. september 1977, var ég skírð í Norðfjarðarkirkju, prestur sr. Svavar.

2001, hryðjuverkaárásin í U.S.A. það muna allir eftir þeim skelfilega atburði.

11. september 2005, var Ingibjörgin mín skírð í Norðfjarðarkirkju, prestur sr. Svavar.

2006, flytjum við mæðgur út til Köben, en Heimir hafði farið í byrjun ágúst til að byrja í skólanum. 

Og nú í dag 2007, giftum við Heimir okkur!! Já við fórum niður í Jónshús með Ingibjörgu með okkur... Neheiiiiiiiii DJÓK!! Mér fannst bara alveg tilvalið að rugla aðeins í ykkur... en nei það hefur ekkert markvert gerst hjá okkur í dag. Samt spurning hvort þetta verði giftingardagurinn? Neiii ég held ekki, langar að gifta mig í júní-júlí.

Dagurinn í dag hjá Ingibjörgu var mun betri en í gær. Nú grét hún bara þegar ég fór, hvorki þegar hún borðaði né fór að sofa. Vonandi allt á uppleið bara

Er hræðilega syfjuð núna, best að fara að leggja sig. Á morgun ætla ég mér að leggjast yfir þroska- og námssálarfræðina!! 

Gullkorn dagsins:

Ei vitkast sá er verður aldrei hryggur, hvert visku barn á sorgar brjóstum liggur.

Steingrímur Thorsteinsson

Athugasemdir

[Júlía Rós (IP-tala skráð) 11.9.2007 kl. 22:08]

Jiiiii þú náðir mér, ég fékk taugaáfall :)

[Jóhanna (IP-tala skráð) 12.9.2007 kl. 10:18]

Þú náðir mér algjörlega...en mér fannst þetta ekki vera mjög mikið þú að gifta þig svona mikið "low profile":)

[Hulda Elma Guðmundsdóttir, 12.9.2007 kl. 11:29]

Til hamingju með 11. september. Það hefði nú ekki verið líkt þér að gifta þig í kyrrþey enda hvarflaði ekki að mér að fá hiksta yfir þessu. Kveðjur bestar.

[Úrsúla Manda , 12.9.2007 kl. 11:44]

Hahahaha ég náði þó allavegna tveimur af þremur mér fannst  ég ógeðslega fyndin þegar ég skrifaði þetta, því þetta er engan veginn í mínum anda

[Brynja (IP-tala skráð) 12.9.2007 kl. 14:35]

Vá þú náðir mér sko alveg, fékk alveg nett í magann, svona eftir á er þetta sko engan veginn í þínum anda, bíð alveg eftir fallegu brúðkaupi hér í firðinum fallega, get ekki ímyndað mér það annars staðar.

Bið að heilsa og gangi þér vel í lærdómnum 

[Sunna Björg Guðnadóttir (IP-tala skráð) 12.9.2007 kl. 20:03]

Þú náðir mér...kallaði á Hjört og sagði honum fréttirnar, las svo áfram ;)

Gangi þér vel í sálfræðinni!

kv.Sunna

[Hertoginn á Bjarti NK (IP-tala skráð) 17.9.2007 kl. 16:10]

Hvernig var það þegar þú varst skírð 11.september,var ekki annað ungabarn skírð sama dag og þú og í sömu kirkju? Eitthvað var kokkurinn hann pabbi þinn að segja mér það.

[Úrsúla Manda , 17.9.2007 kl. 19:59]

Passar góði minn... og held reyndar að það hafi drengur líka verið skírður um leið og við Sigrún. Eitthvað rámar mig í það