Raðhús/íbúð

Fórum í raðhúsið okkar (þetta var skrifað fyrir JR ) í dag og mældum allt sem við þurftum að mæla. Það er ýmislegt sem við ætlum að kaupa í Danmörku svo það er eins gott að vera með allar lengdir og breiddir á hreinu. Annars er þetta nú svo ljúft fólk sem við erum að kaupa af, að við megum bara hafa samband ef okkur vantar einhverjar upplýsingar, ekki málið. Hlakka all svaðalega til að flytja, samt er eitthvað svo mikið sem á eftir að gerast á þessum rúma mánuði þangað til við fáum afhent.

Við skötuhjú erum að fara suður núna á föstudaginn. Heimir fer svo út á sunnudag og ég byrja í skólanum á mánudag. Mamma kemur með Ingibjörgu laugardaginn 13. jan og við mæðgur fljúgum svo út 14. Svo er bara spurning hvenær við komum aftur, hversu snögg við verðum að pakka og ganga frá. Ég spái að það verði 20 og eitthvað. Já það er óhætt að segja að það sé nóg um að vera og mikill þeytingur svona fyrsta mánuð ársins. Ætli ég eigi nokkuð eftir að urga mér það sem eftir er ársins?!  Jú nema þá til að fara suður í skólann. Held ég fari allavegna ekkert erlendis... er eiginlega komin með nóg af þessu í bili!

Oprah er í sjónvarpinu og er að tala við Kenny Rogers. Hvað er maðurinn eiginlega orðinn gamall?! Sjötugur kannski? Hann á sko 3ja og hálfs árs gamla tvíbura!! Ég er svo aldeilis hissa. Allt hægt í Ameríkunni

Jæja, ég er farin upp í rúm að lesa Arnald.

Athugasemdir

[Júlía Rós (IP-tala skráð) 3.1.2008 kl. 08:10]

Jáhá þetta er sko raðhús en ekki íbúð :)  Hlakka til að sjá ykkur á morgun, búin að panta og allt klárt! 

[Þoka (IP-tala skráð) 3.1.2008 kl. 08:15]

13. janúar er sko sunnudagur Úrsúla. Væri nú yfirleitt ekki mikið að pæla í þessu hjá þér, nema þetta er afmælisdagurinn minn fíni ;)

[Heiða Árna (IP-tala skráð) 3.1.2008 kl. 14:20]

Gleðilegt nýtt ár Úrsúla og fjölskylda...en á ekkert að koma með nánari upplýsingar?? Í hvaða götu er raðhúsið??

kv Ein forvitin á Egilsstöðum

[Úrsúla Manda , 3.1.2008 kl. 16:48]

Já Þórey það er rétt hjá þér, er alveg rugluð í dögunum sko! Við mæðgur fljúgum semsagt út á afmælisdaginn þinn

Heiða þetta er neðsta blokkin á Nesbakkanum, efri íbúðin.

[Salný (IP-tala skráð) 4.1.2008 kl. 09:32]

Heyrðu sá þetta með Kenny rogers... þetta er nú ekki bara hægt í ameríku.. þegar sjötugir menn eiga 30 ára konur eru þeir nú færir í flestan sjó... þvílík skvísa konan hans og svo held ég að hún eigi eineggja tvíburasystur..