Veikindi og fleira

Ingibjörg er orðin lasin. Það hlaut að koma að því. Hún er búin að vera í leikskólanum í tvær vikur og þar gengur hlaupabólan ásamt fleiri pestum. Reyndar er hún ekki komin með neinar bólur ennþá... er bara með hita. Og kannski verður þetta ekkert meira í þetta skiptið. Heimir verður heima á morgun og ég fer í vinnuna.

Í netleysinu steingleymdi ég að tjá mig um Eurovision. Ég er nú nokkuð sátt við úrslitin. Reyndar fannst mér Hey hey hó hó ferlega skemmtilegt og hefði alveg verið til í að það færi út. Fyrir utan það að mér fannst stelpan skemma lagið en strákarnir voru bara flottir  Ég er ógurlega hrifin af Friðriki Ómari, finnst hann óskaplega myndarlegur drengur, sætur og glaðlegur. Ég þoli hinsvegar stúlkuna ekki jafnvel, en hún syngur vel. Þau eiga eftir að verða okkur til sóma, þó við vinnum þetta kannski ekki

Styttist í suðurferð hjá mér. Og já styttist alla svakalega í páskana!! En ég fer suður að kvöldi 16. mars og kem heim að kvöldi 19. Er búin að panta mér tíma í klippingu hjá Önnu Kristínu, svo ég verð ægilega fín þegar ég kem heim  það verða sko komnir 3 mánuðir þá síðan síðast!

Er að horfa á Kaldaljós með öðru. Alveg mögnuð mynd. Þau systkinin eru frábær. Svo ekki sé nú talað um föðurinn, hann er sennilega einn besti leikarinn sem við eigum og höfum átt.

Set inn eina mynd í lokin af Ingibjörgu úr íþróttaskólanum. Það var svo gaman!

Athugasemdir

[Júlía Rós (IP-tala skráð) 3.3.2008 kl. 08:38]

Friðrik Ómar og Regína, eða Barbie strákurinn og mamma hans eins og börnin á mínu heimili kalla þau. 

[Bryja (IP-tala skráð) 3.3.2008 kl. 13:41]

Andskotans hlaupabóla

Kv. Ein geðvond, heima með mjög geðvondan lítinn prins

[Svanfríður (IP-tala skráð) 7.3.2008 kl. 13:59]

Ég vona að ég sleppi við hlaupabólu faraldur Haraldur hér á mínu heimili en hér eru öll börn bólusett við hlaupabólunni.

Ingibjörg sýnir þvílíka einbeitningu þarna í þessu röri eða hvað þetta heitir-gaman að þessu.