Óskir rætast

Sigurlaug virðist vera viss um að ég sé gædd einhverjum yfirnáttúrulegum hæfileikum. Þeir lýsi sér þannig að ef ég bið um eitthvað hérna á blogginu eða tala um það, þá gerast hlutirnir!   Ég hef nú reyndar ekki sömu trú á þessu og hún, en það má þó reyna. Ég bið því um American Style hingað á Austurlandið. Held það gæti alveg borgað sig að opna stað á Egilsstöðum. Nú skulum við bíða og sjá hvað gerist  Quiznos er búið að opna á Reyðarfirði svona ef þið skylduð ekki vita það. Reyndar er afgreiðslan mjööög slow og ekki nærri því allt í boði sem er í borginni, en það er samt betra en ekkert.

En já það er víst kominn ís í bæinn. Mun mæta á staðinn á morgun og fá mér einn. Jammí hlakka til  já það þarf lítið til að kæta mig!

Ætla í bælið... á sennilega eftir að dreyma ís og American Style í alla nótt og vakna svo glorhungruð í fyrramálið! Gott að ég er að fara í vinnuna því morgunverðarhlaðborðið niðri á spítala er BARA gott

Athugasemdir

[Þoka (IP-tala skráð) 16.4.2008 kl. 23:58]

American Style já. Ja hérna hér hvað það kemur mér á óvart. Hef oft borðað þar og einhvernveginn hefur það aldrei náð að heilla mig neitt. Fékk svo einhverja óbeit á staðnum eftir að þeir keyptu Tryggvagötuna þar sem Pizza 67 var til húsa. Var lengi að búa mig í að þora bara yfirleitt þangað inn eftir breytingarnar. Varð fyrir vonbrigðum. Vitaborgarinn mætti hinsvegar opna útibú í Neskaupstað. Það væri mjög svalt. Enda er það best geymda hamborgarabúlla í Reykjavík. Þeir eru að vísu ekki með "pítu" á matseðlinum sínum ;) En er ekki hamborgarabúlla Tómasar örugglega á Egilsstöðum ? Það er nú fínt að borða þar - sérstaklega þegar maður er þunnur ;)

[Júlía Rós (IP-tala skráð) 17.4.2008 kl. 07:53]

Til hamingju með mömmu þína, skilaðu afmæliskveðju til hennar frá okkur.  Mig langar í ís í vél :)

[Úrsúla Manda , 17.4.2008 kl. 08:47]

Sko málið er að ég borða ekki hamborgara (svona hakk borgara, fæ alveg grænar við tilhugsunina  ) bara kjúklingaborgara! Og kjúklingaborgararnir á Am Style eru hrikalega góðir. Er hægt að fá kjúkl. borgara á Vitabarnum? Og nei Hamborgarbúllunni var lokað, móður minni til mikillar gremju, en hún elskaði búlluna.

Skila kveðju til hennar

[Hulda Elma Guðmundsdóttir, 17.4.2008 kl. 10:07]

Elsku Úrsúla á Egilsstöðum tíðkast að opna og loka strax aftur, nema kaupfélaginu. Hvað með Valaskjálf, Hamborgarabúlluna og fleiri staði. Og svo finnst mér Am. Style mjög lélegur staður. Af hverju erum við að kaupa allt frá Reykjavík eða apa upp eftir þeim?

Skilaðu kærri kveðju til mömmu þinnar, ég veit að afmælið var í gær en allur gærdagurinn fór í að hugsa um - hvað heldurðu?

Og svo finnst mér þetta með að óskirnar rætist vera farið að minna óþarflega mikið á Secret!