Strákarnir okkar

Alveg eru þeir að standa sig eins og hetjur þessar elskur! Hugsið ykkur ef við vinnum Spánverjana að þá spilum við um gullið! GULLIÐ maður lifandi, það væri nú gaman. Ég semsagt sit skælandi yfir hverjum handboltaleiknum á fætur öðrum... makalaust alveg hreint. Gaman að fylgjast með Guðmundi þjálfara, hann er svo mikil snúlla. Alveg eins og lítil mús eða naggrís, yndislegur bara. Nú svo gleðst ég líka yfir því að Danirnir skyldu hafa tapað sínum leik, svo þeir eru dottnir út. ÁFRAM ÍSLAND

Afmælisdagurinn hennar Ingibjargar gekk nú aldeilis vel. Hún var yfir sig ánægð með veisluna, gjafirnar og auðvitað Sollu stirðu kökuna sem hún var búin að biðja um í nokkrar vikur. Svo skemmtilegur aldur sem hún er á núna, spáir svo mikið í hlutina og svo hrynja auðvitað gullkornin alveg hægri vinstri. Þegar hún sat í rúminu okkar og ég týndi hvern pakkann á fætur öðrum út úr fataskápnum og raðaði í kringum hana, dæsti hún og sagði: Ég á bara ekki til orð!  Alveg agndofa á þessu öllu saman. Og nú er ég orðin svolítið mikið spennt fyrir jólunum. Já enda ekki seinna vænna - það er að koma september! Þetta verða aldeilis skemmtileg jól og erum við búin að plana svona hitt og þetta... já eða ég sko *hóst*

Heimir er á fullu að undirbúa sig fyrir Grænlandsförina. Þetta verður mikið ævintýri hjá honum miðað við lýsingarnar. Ég get huggað mig við það að ég fæ NÓG af hreindýrakjöti til að eta. Jammí - veisla.

Jæja, er að horfa á Opruh tala við Tom Cruise. Guð viðbrögðin hjá konunni sem var komið á óvart eru dásamleg  Svona ykkur að segja þá er þetta nákvæmlega eins og ég myndi bregðast við ef ég ætti að hitta Kristján minn Arason auglitis til auglitis! Get svarið það. I know - ekki eðlileg!

Hér er ein fjölskyldumynd tekin á afmælisdaginn.

Athugasemdir

[baddy (IP-tala skráð) 21.8.2008 kl. 00:32]

jii hvað þið eruð sæt fjölskylda. Er ekki annars stemmning á nesó? hefuru eitthvað hitt Andreuna mína? jiminn hvað ég sakna hennar og Karó, vildi að við værum að fara allar að vinna saman í haust en svona er þetta. Annars er allt gott að frétta af mér - nældi mér í ótrúlega myndarlegan og umhyggjusaman kærasta og flutti suður til hans. Er að vinna á bruna- og lýtalækningadeild í fossvoginum og hef það bara gott. Kveðja til allra á nesó:)

kv baddy

[Salný (IP-tala skráð) 21.8.2008 kl. 08:52]

Til hamingju með skvísuna. Og krúttleg mynd af ykkur vísitölufjölskyldunni. kkv.

[Svanfríður (IP-tala skráð) 21.8.2008 kl. 12:57]

Nú sakna ég þess að vera ekki á Íslandi til að fá handboltann beint í æð því USA menn vita varla hvað handbolti er og hvað þá að sýna frá einhverju öðru en keppni USA manna. Fúlt.

En til hamingju með Ingibjörgu sem á bara ekki til orð.

[Úrsúla Manda , 21.8.2008 kl. 13:37]

Gaman að fá kveðju frá þér Baddý! Jú ég hitti sko Andreu í sumar, hún var einmitt með Salný að taka á móti þegar ég átti strákinn  gaman að því. Gott að þú skulir vera hress og hamingjusöm

Og takk Salný og Svanfríður.