Nýjustu tölur

Allt gekk vel í skoðuninni í dag, Ármann Snær orðinn 8 kg og 65 cm, 3 mánaða  aldeilis flott hjá honum. Þegar Ingibjörg var á sama aldri var hún 6 kg og 63,5 cm. Svo það er smá munur á þeim þó þau hafi fæðst nákvæmlega jafn stór. Mér finnst svo gaman að bera þau saman. Sprautan gekk líka vel, en drengurinn lét nú aðeins heyra í sér, skiljanlega. Hann virðist ætla að sleppa við hita og svoleiðis, en hann er hinsvegar búinn að vera frekar pirraður núna seinnipartinn og í kvöld. Hlýtur að vera út frá sprautunni.

Heimir er enn í vinnunni. Við mæðgur elduðum okkur pizzu, horfðum á sjónvarpið og höfðum það notalegt. Ingibjörg var nú samt sofnuð hér upp í sófa fyrir kl 9, alveg búin á því, svo það var nú takmarkaður félagsskapur af henni að hafa.

Það er íþróttaskóli á morgun, hann er byrjaður aftur við mikla gleði hjá dömunni. Annars ekkert mikið planað um helgina, held að markmiðið sé að reyna að taka almennilega til í bílskúrnum. Ekki veitir af. Góða helgi öll sömul. 

Athugasemdir

[Jenný (IP-tala skráð) 18.10.2008 kl. 00:01]

Já finnst þér ekki gaman að bera þau saman, svona á góðum nótum.  Það er bara tvennt ólíkt að vera með stelpu og strák... "bæði bera" eins og sagt er í auglýsingunni.+

En þú VERÐUR að koma þér inná fésið, það er bara ekki spruning.  Þú getur haldið áfram að blogga hér.  Hitt er meira svona að hitta mann og annan.  Auðvita er þetta tímaþjófur og allt það, en það hvað er það ekki sem kemur tölvu vinnu við.. tölvan er tímaþjófur og ekkert annað.

ÉG er ekki sammála vinkonu þinni hér fyrir neðan sem segir að fésið sé bara að forvitnast um fólk.  Þá les maður bloggið á fésinu kemur ekkert fram sem þú vilt ekki að komi fram,´þegar maður bloggar þá segir maður meira.. ´Þú safnar bara vinum, gömlum skóla og vinnufélögum.  Frænkum og frændum sem þú hefur ekki séð lengi.  Og já þú getur notað það líka sem msm.  Svo er hægt að skrifa skilaboð sem allir lesa og líka bara á milli tveggja.

Í dag finnst mér þetta hrikalega gaman, en ég segi ekki að ég verði inná þessu eftir ár, eða hvað veit ég.

Hlakka til að sjá þig á feisinu, elskuleg...

Gangi þér svo vel með gullmolana þína.

góða helgi

[Ragna (IP-tala skráð) 18.10.2008 kl. 14:28]

omg takk fyrir Greys!! Ég er búin að horfa á fyrstu seríuna og 2 þætti í annarri!! Gjörsamlega límdist föst yfir þessu:)) Nú skil ég hvað þú varst að tala um!

Takk takk takk:)

 knús

[Úrsúla Manda , 18.10.2008 kl. 17:50]

Ég veit Ragna, maður verður bara húkkt á þessu! Elska þessa þætti.