Tímaþjófur

Já það er sko alveg á hreinu að fésbókin er tímaþjófur. Jahérna hér, þetta er alveg hrikalega skemmtilegt  Er aðeins að ná áttum þarna en finnst umhverfið svolítið ruglingslegt ennþá. Það kemur. Ég hef hinsvegar ekki mikinn tíma í að gera neitt annað  Ætlaði að byrja morgundaginn á því að læra, hlusta á fyrirlestur og svona, en ég er ekki að sjá það gerast *hóst*, alveg hægt að týna sér þarna skal ég ykkur segja! Samt spurning hvort þetta sé nýjungagirni í mér, það kemur í ljós. Heimir hristir bara hausinn. Ég var nú að reyna að hvetja hann til að skrá sig en hann tók það ekki í mál! Spurning hversu lengi það mun taka mig að buga hann  nema að ég bara skrái hann!

Vetur konungur heilsaði í dag. Varð mjög jólalegt um tíma, hvít jörð, snjókoma og svona fjúk. Afar heillandi. Samt leiðinlegt við þennan kulda að þurfa að dúða alla í hvert skipti sem fara á út. Og þó það sé bara til að skjótast út í bíl. En þetta fylgir bara því að búa á Íslandi.

Ingibjörg var alsæl með sunnudagaskólann. Þetta verður því verkefni móður minnar alla sunnudagsmorgna í vetur  spurning um að skella sér einhvern tímann með.

En jæja, ég ætla að henda myndum inn á barnalandið og segja þetta svo gott. Góða nótt.

Athugasemdir

[Jóhanna (IP-tala skráð) 20.10.2008 kl. 13:40]

Ahhaha..ég skráði einmitt William í þetta og addaði helllling af fólki handa honum. Núna er hann að komast inn í þetta fyrst! Þetta tekur svona mánuð...

Gangi þér vel...

[? (IP-tala skráð) 20.10.2008 kl. 20:42]

Fyndið blogg :)