Ruslatunnur

Ruslakarlarnir (man ekki annað orð yfir þá sem eru á ruslabílnum) eru alveg að gera mig vitlausa þessar vikurnar. Það virðist vera eitthvað nýtt hjá þeim að snúa ruslatunnunum ÖFUGUM! Þannig að lokið snýr aftur þegar maður ætlar að opna tunnuna - ekki fram, ef þið skiljið mig. Ég bara þoli þetta ekki! Get ekki ímyndað mér ástæðuna, þetta var aldrei svona. Kannski er einhver nýbyrjaður sem nennir ekki að snúa tunnunum rétt, eða veit hreinlega ekki að þær eiga að snúa hinsegin. Veit það ekki. Það er ekki séns í helv.. að ég snúi tunnunni við því mér er meinilla við ruslatunnur. Eitt það leiðinlegasta sem ég geri er að fara út með ruslið, og ég stoppa aldrei lengi við tunnuna. Finnst þetta ógeðslegt og býst alltaf við að eitthvað spretti upp úr tunnunni þegar ég opna hana. En já svona er það nú - er semsagt með tunnufóbíu, og hvað þá ef þær snúa öfugt 

Þá er ég búin að koma þessu frá mér. Ætla að fara að prjóna.

Athugasemdir

[Hulda Elma Guðmundsdóttir, 29.10.2008 kl. 23:02]

Vertu ekki að mæðast við okkur sem lesum bloggið þitt, hringdu í þjónustufulltrúann hjá bænum og kvartaðu. Ég hef séð þá smella tunnunum inn í kassann og þeir nenna ekki að snúa þeim. Þetta er gert í akkorði! Eru ekki örugglega 56 dagar til jóla?

[Smilla, 29.10.2008 kl. 23:45]

Spurning um að sitja fyrir þeim næst og hella sér yfir þá

[Jenný (IP-tala skráð) 30.10.2008 kl. 01:21]

Veist það fröken Úrsúla Manda þú ert nú bara einhver sú al-fyndnasta.... En ég skil þig vel yfir ruslatunnunni mér finnst þær jafn ógeðslegar og klósett, sérstaklega almenningsklósett

Gaman að þú sért húkkt á feisinu, ég sagði þér að þetta væri gaman..., en þetta er líka algjör tímaþjófur... en bara gaman..

Hafðu það gott og reyndur nú að ná þessum köllum næst þegar þeir eiga leið hjá...

[Hrönn H (IP-tala skráð) 31.10.2008 kl. 20:31]

Úrsúla mín, hér er ruslið nú ekki tekið nema að maður fari sjálfur með tunnuna út á götu OG..... það eru þrjár tunnur fyrir hvert hús og tekið á mismunandi tímun (o:  Ég þarf stundum að finna lykt úr annarra manna rusli svo ég vorkenni þér barasta ekki neitt

[Hertoginn á Bjarti NK (IP-tala skráð) 4.11.2008 kl. 10:55]

Þú ert greinilega í algjöru rusli !!!!