Gleðilega aðventu

Kominn 2. desember og nákvæmlega 22 dagar til jóla. Hugsið ykkur hvað tíminn er fljótur að líða. Aðeins 2 vikur í að við komum Íslands! Er sko orðin spennt! Hinsvegar er ekki vika í fyrsta prófið mitt og er ég ekki eins spennt fyrir því. Segi það enn og aftur, ég er bara engan veginn að nenna þessu!

Það var mikið að gera hjá okkur í gærmorgun við að opna öll dagatölin á heimilinu. Ingibjörg opnaði sitt súkkulaðidagatal, hún virtist alveg skilja það að það mætti ekki opna nema bara einn og svo tautar hún bara: einn á dag  Svo var auðvitað Pyrus opnaður líka. Ég opnaði mitt myndadagatal sem ég fæ árlega sent frá Líönu frænku, og svo sköfuðum við hjónaleysin lottódagatölin okkar! Ég keypti nefnilega svona skafdagatal handa okkur, og nú er aðal spennan að vita hvort ég geti skafið einn dag í einu, en ekki allt í einu! Hef átt svona dagatal heima á Íslandi og drifið mig bara í að skafa allt á fyrsta degi! Núna ætla ég hinsvegar að sýna mikla stillingu og þroska  Við erum samt búin að gera díl að skafa restina daginn sem við förum til Íslands.

Við skelltum okkur í Fields í gær. Nenntum ómögulega að taka Ingibjörgu með svo við skutluðum henni til Hrafnhildar þar sem hún var í góðu yfirlæti hjá frændsystkinum sínum. Við náðum að kaupa nokkrar jólagjafir og klára ýmislegt, ætli það séu ekki ca. 4 gjafir eftir. Ætla að fara í Amagercenter í vikunni og reyna að klára þetta þá. Við vorum svo í kaffi, kvöldmat og skemmtilegheitum hjá Hrafnhildi fram á kvöld. Mikið á ég eftir sakna þeirra!

Sigurlaug, bláa úlpan var til, bara ekki í hans númeri. Ég fer í fleiri búðir og tékka á þessu.

Við fórum svo á Skoppu og Skrítlu í dag. Það var svoooo gaman! Við skemmtum okkur öll alveg konunglega. Þær eru alveg yndislegar, allt var svo heimilislegt og skemmtilegt. Svo var boðið upp á Appelsín og Malt í gleri  og íslenskt sælgæti! Alveg frábært. Ingibjörg fór svo til þeirra í myndatöku og var gjörsamlega að deyja úr feimni  hún vildi nú samt alveg vera hjá þeim, það var ekkert mál.

Love Actually er í sjónvarpinu, hún er svo yndisleg þessi mynd. Held samt að réttast sé að læra smá fyrir svefninn... það væri alveg þjóðráð!

Gullkorn dagsins:

Hvað er ég? Hvað ert þú? Hvað er hún? Hvað er hann?

Sama hönd, sama önd, sama blóð! -                                                                                                 Að slá skjaldborg um réttlætið, maður við mann, það er menningin, íslenska þjóð.

Jóhannes úr Kötlum

Athugasemdir

[Anna Kristín Matt (IP-tala skráð) 2.12.2007 kl. 21:45]

Þú ert æðisleg Úrsúla Manda jólabarn. :)

Allavega þá rápa ég hér inn annað slagið og sá þessar æðislegu fréttir fyrir þig og þína. Flott að þið ætlið að flytja austur og já skiljanlega hefur þetta verið rosalega erfið ákvörðun en rétt ákvörðun. :) Hlakka til að sjá ykkur um jólin. :)

Kv Anna Kristín

[Hulda Elma Guðmundsdóttir, 2.12.2007 kl. 22:01]

Dj. ertu orðin háfley. Skoðaðu póstinn sem ég sendi þér.

[Smill (IP-tala skráð) 2.12.2007 kl. 22:08]

Já, mér datt þetta í hug með úlpuna. Ferlega pirrandi samt - ég sé að hún er til í netversluninni...óþolandi að geta ekki pantað með íslenskum kortum.

Annars opnuðum við líka dagatölin í gær og SD fannst hálf skítt að fá bara eitt á dag en skildi það þó. Kom reyndar til mín hálftíma síðar og spurði "eigum við ekki bara að opna allt núna, það er miklu skemmtilegra - hah?" - maður má nú reyna

[Svanfríður (IP-tala skráð) 4.12.2007 kl. 14:34]

Eyjólfur á í mestu vandræðum með að opna bara einn dag í einu á sínu súkkulaðidagatali, enda geymi ég það hátt uppi á hillu þar sem hann nær alls ekki í það. En það er gaman að þessu og fylgir jólunum.

Hafðu það gott og ég hef fulla trú á að þú standist að opna bara einn dag í einu:)

[Guðlaug (IP-tala skráð) 5.12.2007 kl. 12:37]

Hlakka til að hitta ykkur fljótlega

Æðislegar myndirnar af Ingibjörgu með Skoppu og Skrítlu, það hefur greinilega verið gaman.

Duglega að lesa þetta tekur allt enda

Knús og kossar

Guðlaug