Komin heim

Aldeilis gaman að fá comment frá Vestmannaeyjum... hef aldrei þekkt neinn þaðan svo þetta finnst mér bara töff  Verið duglegar að commenta stelpur mínar!!

Það styttist aldeilis í brottför. Nóg að gera áður en lagt er af stað, fór til tannsa og í klippingu í dag, fór til Maríu Fanneyjar og er svaka fín  Síðasti dagurinn í vinnunni er á fimmtudaginn og svo er flugið snemma á föstudagsmorgni. Er ekki að sjá að ég geti einbeitt mér mikið að skólanum þessa dagana, verð bara að leggjast í það þegar ég kem út.

Annars gekk ferðin heim vel. Keyrðum norðurleiðina austur svo við fórum hringinn. Finnst alltaf svo gaman að keyra um landið. Er samt alltaf hrifnari af syðrileiðinni, finnst norðurleiðin miklu lengri einhverra hluta vegna. Ég gisti eina nótt í bústaðnum og svo var brunað heim á sunnudeginum. Yndislegt að knúsa Ingibjörgu eftir viku aðskilnað!

Gullkorn dagsins:

Ef þú vilt skilja lífið verður þú að hætta að trúa því sem fólk segir og því sem það skrifar - en beina sjónum að sjálfum þér - og hugsa.

Anton Tsékoff

 

Athugasemdir

[Júlía Rós (IP-tala skráð) 29.8.2007 kl. 08:03]

Hugsa að ég kvitti nú af gömlum vana þó ég hafi ekki verið sérstaklega hvött til þess :)  En ég hef nú komið til Eyja svo þetta hlýtur að sleppa!

Góða ferð heim til Danmerkur, fullt nýtt í gangi þegar út er komið, hlakka til að fá fréttir. 

SJÁUMST Í OKTÓBER!!

[Brynja (IP-tala skráð) 29.8.2007 kl. 10:32]

He hem!! Seinast þegar ég vissi var ég frá Vestmannaeyjum!! Og það vill svo skemmtilega til að Kolla var bekkjasystir mín. Bið að heilsa og gefðu litlu snúllu eitt knús frá mér

[Úrsúla Manda , 29.8.2007 kl. 22:44]

Brynja mín, í mínum augum ertu alltaf Norðfirðingur  En já heimurinn er lítill, óhætt að segja það.