Rigning

Í gær var 25 stiga hiti og sól og blíða, það var alveg draumaveður! Í dag er hinsvegar rigning og 15 stiga hiti. Ég sem hélt að sumarið væri bara komið aftur. En það er reyndar búið að vera mjög ljúft veður í allt haust, og nú er bara að koma október. Já tíminn flýgur, sléttir 90 dagar til jóla

Heimir er ekki í skólanum í dag, svo hann hjólaði með Ingibjörgu á leikskólann. Sem betur fer, ég veit ekkert leiðinlegra en að hjóla í rigningu! Hata það eiginlega! Ég verð alveg vitlaus í skapinu, þoli ekki að vera öll rennandi blaut og svo skítkalt þegar maður kemur inn! Ég á líka engar regnbuxur, bara efra stykkið. Verð að kaupa mér almennilegan regngalla, fann engan í Fields um daginn, spurning hvort ég finni þetta ekki bara heima á Íslandi. 

Já aðeins 4 dagar í brottför. Mig hlakkar til en kvíðir líka fyrir... eins og alltaf! það verður skrítið að skilja feðginin eftir í öðru landi! 

Jæja, ég ætla að stökkva í Super Brugsen og versla aðeins. það var svaka tilboð á sprittkertum og svo alveg risastór, geggjuð lukt á tilboði líka. Sé hana alveg fyrir mér hérna úti á svölum, svo ég hugsa að ég verði bara að kaupa hana Svo er bara stefnan tekin á lærdóminn, þarf að gera eitthvað viðbjóðslega leiðinlegt verkefni í efnisleit. Veit eiginlega ekki almennilega hvað það er sem ég á gera, en ég kemst að því.

Hér er Ingibjörg í rólegheitum í morgun, undir teppi með selinn sinn og alveg dáleidd að horfa á Disney show! Gerist bara ekki betra

Gullkorn dagsins:

Takið kærleikann burt - og heimur okkar verður gröf.

Róbert Browning

Athugasemdir

[Smill (IP-tala skráð) 25.9.2007 kl. 16:48]

Úúúúú....hlakka til að sjá þig

[Júlía Rós Atladóttir (IP-tala skráð) 25.9.2007 kl. 18:39]

Hlakka meira til að sjá þig :)

[Hertoginn á Bjarti NK (IP-tala skráð) 25.9.2007 kl. 19:39]

Fínt að hjóla í rigningu Manda,prufaðu það og þú sér ekkert eftir því.Keyptu svo sjógalla hjá °66 N og hafðu hann með þér út.

[Úrsúla Manda , 25.9.2007 kl. 20:50]

Já Gunnar þú segir það... Sjógalla... er hann ekki bara til appelsínugulur? Ég vil ekki svoleiðis, það verður að vera réttur litur góði minn

Já stelpur, hlakka mest til að sjá ykkur!!!

[Hertoginn á Bjarti NK (IP-tala skráð) 26.9.2007 kl. 00:36]

Til í öllum litum,grænir meira að segja og hvítir líka.En ég myndi fá mér rauðan,þá myndu allir þarna í Denmark taka eftir því hvaða fallega kona er þar á ferð!!! Heldur þú þá ekki að baunarnir myndu ekki glápa úr sér augun,ha?

[Hulda Elma Guðmundsdóttir, 26.9.2007 kl. 10:20]

Þú kaupir þér auðvitað HH - Helly Hansen. Í Færeyjum segja þeir að ef sjáist einhver í slíkum fatnaði sé það örugglega túrhestur.

[Úrsúla Manda , 26.9.2007 kl. 10:50]

Jiii Gunnar,  þú ert nú meiri...  ég roðna nú bara hérna megin sko Já ég þarf að skoða þetta mál. 

Ég á æðislega vetrarúlpu frá HH, en ég væri nú alveg til í að kaupa mér 66N regngalla... svona út á fólkið sem ég vinn hjá, tel það mjög sterkan leik

[Hertoginn á Bjarti NK (IP-tala skráð) 26.9.2007 kl. 13:35]

Já,auðvitað gerir þú það,kaupir 66N galla,ekki einhvern HH galla eins og Elma er að benda á.Þú ert engin túristi,þú verður flott í rauðum galla frá 66N og hana nú............