...

Aldeilis fín helgi að baki. Við bökuðum piparkökurnar í gær, voða gaman. Þær eru svo góðar að við ætlum að baka aftur um næstu helgi. Í gærkvöldi fór ég svo á Frostrósir á Eskifirði, jiii það var svo æðislegt. Þau voru rosalega flott öllsömul. ÍHeimir fór með Ingibjörgu í sunnudagaskólann í morgunn og skemmti sér vel. Svo var afmæli hjá Andra Snæ og þaðan fórum við mæðgur á aðventutónleikana í kirkjunni. Það er því óhætt að segja að maður hafi verið menningarlegur þessa helgina

Næsta föstudag er svo jólahlaðborð og hlakka ég til. Mér til mikillar gleði var mér sagt að Einar Ágúst yrði að spila!!  Spurning hvort ég endi á því að mjólka mig svo ég geti nú bara fengið mér í glas!! Nei ætli það. Ég er nú þeim ósköpum gædd að geta skemmt mér konunglega án áfengis... hallelúja

Ég er búin með allar jólagjafir nema 2. Er búin með börnin mín og það finnst mér æði. Þegar ég verð búin með prófið ætla ég að byrja á jólakortunum. Mér finnst það svo skemmtilegt. Jólastemming er að sitja að kvöldi til við kertaljós, skrifa jólakort, borða smákökur og hlusta á jólalög.. ohh ég fæ svona notalegt í hjartað við tilhugsunina 

Mig langar í jóladiskinn hans Stebba Hilmars. Held að hann sé æði!

Athugasemdir

[Hulda Elma Guðmundsdóttir, 8.12.2008 kl. 23:23]

Á nýju bókina eftir Mankell - Fyrir frostið. Spennandi eins og allar hinar. Held að það sé rétt að þú lesir hana eftir jól, það er alltof mikið framundan hjá þér til að hafa tíma til að lesa.

[Smilla, 9.12.2008 kl. 09:37]

Ohhh...það er svooo notalegt að vera búin að flestu fyrir jólin. Ég skrifaði einmitt jólakortin um daginn og er búin að vera í þvíííílíku jólaskapi eftir það.

[Þoka (IP-tala skráð) 9.12.2008 kl. 15:35]

Ég er að hugsa um að drekka rauðvín og skrifa jólakortin í ár. Jafnvel finna bara vel á mér. Gæti orðið forvitnilegt. Lengi dreymt um þetta. Sé alveg fyrir mér að þau verði öll ofurvæmin og sæt ;)

[Júlía Dröfn (IP-tala skráð) 21.12.2008 kl. 16:19]

Jæja er mín bara hætt að blogga,farin að sakna þess. Nú er mín mætt í sæluna,þá erum  við orðnir nágrannar.

Kveðja Júlía Dröfn