Haust

Já ég held að það sé sko pottþétt komið haust hérna fyrir austan. Hryllilega kalt, vindur, rigning (að vísu ekki í dag) og bara leiðindi. Talaði við eina í dag sem var að koma frá Köben, þar var 25-30 stiga hiti og notalegheit!! Mikið vona ég nú að það verði jafn ljúft þegar við komum út.

Ingibjörg verður 2ja ára núna á laugardaginn, 18. Það verður auðvitað afmæli, en ég hef ákveðið að missa mig ekki algjörlega eins og ég gerði þegar hún varð 1 árs  Ætla að vera aðeins niðri á jörðinni hvað varðar kökur og annað. Finnst samt reglulega gaman að geta haldið upp á afmælið á sjálfum deginum, en í fyrra héldum við það um verslunarmannahelgina svo Heimir myndi ná því, og það var alveg hálfum mánuði fyrir sjálfan daginn.   

Annars er ég í því að redda þeim hlutum sem eftir á að redda áður en við förum út. Nóg að gera í því alltaf. Á föstudaginn fer Ingibjörg í klippingu og svo í vigtun og mælingu eftir það  Það var mér nefnilega mikið kappsmál að barnið yrði mælt tveggja ára, og ég gat eiginlega ekki verið nær afmælisdeginum þar sem hann ber upp á laugardegi. Best að hafa þetta nákvæmt  Nú svo er ég búin að panta tíma fyrir okkur Heimi í klippingu og á morgun förum við til tannlæknis. Allsherjar klössun svona rétt fyrir brottför.

Gullkorn dagsins:

Fegursta blóm jarðar er brosið.

Henrik Wergeland

Athugasemdir

[Kristjana Atladóttir, 15.8.2007 kl. 20:14]

Hehe já það er gaman af þessum krílum og stússinu í kringum þau.  Og sérstaklega gaman að fylgjast með fyrsta-barns foreldrum fyrir okkur hin tíhí.

Koss og knús yfir fjallið darling. 

[Úrsúla Manda , 15.8.2007 kl. 21:22]

Já einmitt, svo kemur annað barn og þá verður manni slétt sama um nákvæmar dagsetningar og allt það sem skiptir mann MIKLU máli með fyrsta

Kossar tilbaka honey