Aðlögun

Það er bara búið að ganga vel í aðlöguninni með Ingibjörgu. Hún er eiginlega algjör hetja í mínum augum! Ég var með henni bæði mánudag og þriðjudag en fór klukkutíma í burtu í gær. Hún var auðvitað ekki sátt við að ég skyldi fara en hætti að gráta um leið og ég var farin úr augsýn. Í morgun grét hún ekki einu sinni þegar ég fór, bara kyssti mig bless og allt í góðu!! Mikið er ég glöð. Hún á að borða með þeim í dag og ég sæki hana um 12 leytið. Svo það er bara gleði framundan hjá dömunni... vonandi.

Annars er bara allt fínt að frétta. Nóg að gera í náminu, en ég hlakka til í næstu viku þegar ég fæ nægan tíma til að einbeita mér að þessu. Svolítið óþægilegt að ætla að læra með Ingibjörgu heima. Maður nær ekki alveg að fókusa á efnið, eða mér gengur það allavega illa.  

Sennilega róleg helgi framundan hjá okkur, ætlum reyndar að fara í dýragarðinn. Hlakka til, langt síðan við höfum verið þar.

Jæja, ætla í búðina áður en ég sæki stelpuna. 

Athugasemdir

[Hulda Elma Guðmundsdóttir, 6.9.2007 kl. 10:43]

Gott að heyra. Já stundum heldur maður að maður sé ómissandi! Bið að heilsa frændum ykkar í dýragarðinum.

[Svanfríður (IP-tala skráð) 9.9.2007 kl. 14:05]

Dugleg stelpa hún Ingibjörg, eins og mamman.

Vonandi gengur námið vel.

Bestu kveðjur, Svanfríður.