Tilbúin

Má eiginlega segja að ég sé bara tilbúin til brottfarar. Eina sem er eftir er að pakka tölvunni niður. Og þar sem ég veit að þið eruð ægilega spennt að vita hvernig farangurinn er, þá er ég með innan við 20 kg!! Best að endurtaka þetta... INNAN VIÐ 20KG!! Mitt dót er bara hálf taskan og restin eru gjafir. Ég veit hinsvegar að ég verð með yfirvigt þegar ég kem tilbaka. Fiskur og hreindýr eru víst ekki mjög létt. En isss þetta reddast allt saman  

Er auðvitað komin með í magann yfir að kveðja þau feðginin, en svoleiðis er það bara. Lítið hægt að gera í því annað enn að gráta

En jæja, ég ætla að fara að laga matinn. Ætla að gera góða kjúklingaréttinn með púðursykrinum og því, en við erum gjörsamlega með æði fyrir honum. Borðum öll á okkur gat (göt) af þessum mat.

Ég kveð í bili, og læt "heyra" í mér frá Íslandinu góða. Farvel! 

Athugasemdir

[Þoka (IP-tala skráð) 29.9.2007 kl. 17:07]

Humm. Forvitnilegur réttur. Ekki getur þú látið uppskriftina fylgja svona næst þegar þú mátt vera að ?

[Þóra Matthildur (IP-tala skráð) 29.9.2007 kl. 21:13]

Góða ferð:-) Kjúllinn hljómar vel, endilega skelltu inn uppskriftinni við tækifæri (má ekki vera flókinn ;-)).