A star is born

Já svei mér þá ef hann Draupnir Rúnar er ekki búinn að meika það!!  Ég er gjörsamlega búin að veina úr hlátri eftir að ég sá myndbandið núna í kvöld. Drengurinn er æðislegur. Nú vil ég bara að hann skelli sér á sviðið með þeim í maí, það yrði gargandi snilld. Ef vera kynni að einhver sem slæðist hingað inn er ekki búinn að sjá þetta, þá vessegú! Er alveg handviss um að við sigrum þessa keppni í ár

Sumarbústaðurinn á morgun. Mikið hlakka ég til. Ég ætla ekkert að gera annað en að sofa, lesa og prjóna. Ætla ekki einu sinni að hugsa til alls þess sem ég á eftir að skila af mér í skólanum. Það er nægur tími til að velta sér upp úr því, nú svo er auðvitað bara spýta í lófana og klára þetta þó nennan sé í algjöru lágmarki. Jii hvað ég hlakka til þegar þessari önn lýkur.

Finnst verst að missa af Bubba annakvöld. Ég veit nú samt alveg að Eyþór Ingi (hinn fagri) sigrar þetta. Ég get svo horft á þetta á sunnudagskvöldið, en þá er endursýnt á Sirkus.

Við mæðgur fórum og fengum okkur ís í dag eftir leikskólann. Voða góður. Fórum svo aftur þegar Heimir kom heim, Ingibjörg fékk annan ís og át hann með bestu lyst. Ég fékk mér ekki annan... alveg satt! Ætla að fá mér ís uppi á Egilsstöðum á morgun, mér finnst hann betri þar.

Er komin með æði fyrir svörtum Nóa karamellum. Hrikalega góðar. Best að setja ca. 4 upp í sig í einu og tyggja svo! Þetta límist alveg við tennurnar í manni... fæ eitthvað út úr því. Þar sem töggurnar innihalda lakkrískjarna vonast ég til að hífa blóðþrýstinginn aðeins upp. Er orðin þreytt á því að vera með svima og geta endalaust sofið.

Ingibjörg er í fríi á leikskólanum á morgun. Áður en brunað verður upp í bústað fer daman í klippingu og svo ætlar Þóra Matthildur að kíkja á okkur með dömurnar sínar.

En eigi þið góða helgi kæru vinir. Ég ætla sko að hafa það gott

Athugasemdir

[Smilla, 18.4.2008 kl. 00:48]

God, mér finnst þetta ferlega fyndið myndband og hann æðis í því.

[Júlía Rós (IP-tala skráð) 18.4.2008 kl. 08:10]

Hann er lang flottastur!

Hafið það rosalega gott í bústaðnum og passaðu að karamellurnar standi ekki í þér kona.

[Ragna (IP-tala skráð) 18.4.2008 kl. 19:31]

Já vá ég er alveg eins.. það rennur varla í mér blóðið.. er bara endalaust þreytt og staulast um eins og riðuveik rolla:) En í sambandi við nammið þá er ég í súra hlaupinu þessa dagana en karmellurnar hljóma líka vel;) margt skrýtið sem fylgir því að búa til nýjan einstakling..

[Tinna (IP-tala skráð) 19.4.2008 kl. 08:27]

Eru búin að hlæja okkur máttlaus af þessu myndbandi. Það versta/besta er að Albert Loka finnst það æði og vill horfa á það aftur og aftur.

kv Tinna V

[Smilla, 22.4.2008 kl. 22:41]

Var að "læra" þegar ég sá þetta....Perez Hilton