Vetur... trúi þessu ekki!

Hér er snjókoma!! Lýg ekki. Hvað getur maður sagt... í fyrradag var sumar og sól, nú er rétt yfir frostmark, fjöllin sjást ekki og það snjóar. Jahérna hér.

Ég ákvað samt að skella mér í sund og sá ekki eftir því þegar ég var komin ofan í laugina. Kom svo heim um 10 leytið og kveikti á tölvunni til að byrja að læra. Og nei, ég er ekki enn byrjuð. VERÐ bara að gera ýmislegt áður en ég byrja að læra *hóst* Lofa samt að byrja þegar ég er búin að blogga! Lofa því

Kjúklingarétturinn sem ég gerði í gærkvöldi kemur hér. Þetta er ekki ný uppskrift og ég hafði oft heyrt um þennan rétt. Örugglega margir sem hafa prófað þetta, það er bara ég sem er eitthvað sein í þessu

4-6 Kjúklingabringur

1 krukka Mango Chutney

1 Matreiðslurjómi

1 msk karrý

4 hvítlauksgeirar (ég notaði Shallotu lauk í staðinn - hann er æði)

Bringurnar skornar í smáa bita og steiktir á pönnu. Bæta smátt skornum lauknum útí rétt áður en kjúklingurinn er fullsteiktur. Krydda eftir smekk.

Blanda saman rjóma, karrý og Mango saman. Setja kjúklinginn og laukinn í eldfast mót, hella sósunni yfir og inn í ofn í ca. 30 mínútur. Auðvitað er hægt að hella sósunni yfir kjúklinginn á pönnunni, ég verð bara allaf að setja svona í ofninn líka. Gott að hafa hrísgrjón og ferskt salat með. Verði ykkur að góðu

Jæja, nú er að læra!

Athugasemdir

[Júlía (IP-tala skráð) 9.5.2008 kl. 13:21]

Þó ég sé sextug eins og þú hef ég ekki séð þessa uppskrift áður, prófa hana um helgina!

[Þóra Matthildur (IP-tala skráð) 9.5.2008 kl. 13:23]

og kyrdda eftir smekk... lykilatriðið ;-)

[Unnur (hans Óskars.. R.Sigm) (IP-tala skráð) 9.5.2008 kl. 14:02]

Halló Úrsúla.

Vildi bara skilja eftir mig nokkur spor á síðunni þinni. Kíki alltaf annað slagið hérna inn.

 Mun prófa þennann kjúklingarétt... hljómar geðveikt spennandi.

 Kveðja úr Kópavoginum.

 P.S. Við munum nokkuð örugglega kíkja við hjá ykkur í sumar á ferð okkar um austfirði

[Hrafnhildur (IP-tala skráð) 9.5.2008 kl. 15:11]

En huggulegt veður hjá ykkur en ekki vildi ég skipta. Hér er sól og 24 stiga hiti, voða notalegt :) Eigið góða hvítasunnu. Vildi bara skilja eftir smá kvitt, Knús Hrafnhildur

[Úrsúla Manda , 9.5.2008 kl. 15:32]

Einmitt Þóra Matthildur!! Þetta setti ég inn spes fyrir þig svo rétturinn myndi ekki klikka ef þú myndir prufa hann 

Gaman að sjá þig hér Unnur, það er sko algjört must að koma við ef þið verðið á ferðinni hér fyrir austan! Látið bara heyra í ykkur

Já Hrafnhildur mín, það vildi ég að ég væri komin út til ykkar! Góða skemmtun á morgun og hafið það gott. Gjöfin til þín kemur eftir Akureyrar ferðina  

[Svanfríður (IP-tala skráð) 12.5.2008 kl. 13:48]

Vonandi er hætt að snjóa hjá þér, þú búin að læra og kjúllinn rann ljúft í gegn:)