Haustið komið

Jedúdda mía finnst ykkur síðan mín ekki orðin fín?! Svakalega er ég ánægð með hana  gaman að breyta svona aðeins til.

Haustið er komið. Er alveg með það á hreinu. Reyndar búið að vera fallegt veður í dag, en það er kominn svona hryssingur í loftið. Týbískt haust. 

Heimir kom til landsins í kvöld, alsæll með þessa ævintýraferð til Grænlands. Ég hlakka til að sjá myndir og heyra sögur. Ég flutti nú bara yfir í Gauksmýrina á meðan og er þar enn! Er búin að vera í góðu yfirlæti hjá mömmu og pabba með börnin. Ætli ég lufsist nú ekki heim til mín á morgun, eða alla vega annað kvöld svo að Heimir komi ekki að tómu rúminu

Það styttist í skírnina. Mér sem fannst þetta eitthvað svo hrikalega langur tími sem barnið yrði nafnlaust, er nú bara að verða liðinn. Mikið hlakka ég til.

Handboltahetjurnar koma heim á morgun. Ég ætla sko að horfa á útsendinguna frá A-Ö, verst að vera ekki á staðnum. Mikið væri það nú gaman.

En jæja, ætla að fara að sofa. Ingibjörg sefur vært í afa rúmi (þar sem hann er farinn út á sjó), mamma komin upp í til hennar og við drengurinn hreiðrum um okkur inni í mínu herbergi. Bara notalegt  Góða nótt.

Athugasemdir

[Heiða Árna (IP-tala skráð) 27.8.2008 kl. 08:23]

Já það er farið að vera haust í lofti, sérstaklega þegar maður fer út snemma á morgnana.

Voða ljúft að nota ömmurnar, svo gott að fá hjálp frá þeim, gerir allt svo miklu auðveldara í hversdagsleikanum. Vildi óska að mín mamma væri mér nær...eða að það væru allavega göng á milli staðanna!

Hlakka til að heyra nafnið...

[Elma (IP-tala skráð) 27.8.2008 kl. 21:46]

Ég var í fánalitunum! Bláum buxum, hvítum bol og rauðum jakka. Mikið var þetta flott móttaka.

[Júlía Rós (IP-tala skráð) 27.8.2008 kl. 22:06]

Já og þú fékkst að sjá hann Kristján þinn í útsendingunni :) Heyrumst í næstu viku!