Vor í lofti

Jhaa ég þori varla að skrifa það - en geri það samt, ég er ekki frá því að það sé komið vor í loftið. Flugurnar komnar á kreik og spáð hinu fínasta veðri, 14 stiga hita heyrði ég einhvers staðar! Spurning reyndar hvort það sé ekki bara sumarið sem sé að koma, svona miðað við hitastigið 

Annars á mín yndislega móðir afmæli á morgun, þann 16. Til lukku með daginn elsku mamma mín. Þau ætla að bruna upp í bústað og svo förum við uppeftir á föstudag og verðum yfir helgina. Það verður ljúft.

Við pabbi fórum í sundið í morgun í sól og blíðu. Algjör draumur. Maður getur sko auðveldlega orðið háður þessu.

Ég er alveg að geispa golunni hérna núna svo ég ætla að henda mér upp í rúm. Bíð ykkur góðrar nætur.

Athugasemdir

[Smilla, 15.4.2008 kl. 22:38]

Til hamingju með skvísuna hana mömmu þína á morgun

[Dagbjört (IP-tala skráð) 16.4.2008 kl. 00:12]

Ég hugsaði þetta einmitt í dag þegar ég fann að vindurinn stakk ekki jafnmikið í andlitið og undanfarið. Komin suðræn sveifla í veðrið. Sagði það meira að segja upphátt í dag að það væri komið vor - vona að ég hafi ekki storkað örlögunum of mikið.

[Heiða Árna (IP-tala skráð) 16.4.2008 kl. 10:01]

Já nú er vonandi sumarið að koma!

Unnar birkir hans Palla á líka afmæli í dag....til hamingju með múttuna :)

kv frá Egs.

[Úrsúla Manda , 16.4.2008 kl. 11:38]

Takk stelpur mínar  

[JókaSmára (IP-tala skráð) 16.4.2008 kl. 18:14]

Veit ekki hvort að þú trúir þessu en það er byrjar að selja ís í vél niðrá olís (held ég) Við mamma vorum að labba og sáum e-rja rúnta með ís í hönd..mér sýndist þetta vera ís í vél...ef svo er þá eruð við að fara ÞANGAÐ!!! :)

[Smilla, 16.4.2008 kl. 19:11]

Hvað sagði ég ekki? Prófaðu að blogga um að það vanti Subway eða Quiznos - kannski opnar annar hvort þá nokkrum dögum síðar.